Adi, irakurle!
Abuztu osoan zehar ere liburutegia ZABALIK izango dugu 8:00-15:00 bitartean.
Aprobetxatu liburuak, aldizkariak zein egunkariak ikusteko eta mailegatzeko aukera udako opor berezi hauetan zehar.
Maileguen epeak malgutuko ditugu, beraz, ez egin zalantzarik.
637846385 telefonora deituta, liburutegia@berastegi.eus helbidera idatzita edota Facebook bidez ere jar zaitezkete gurekin harremanetan....
Mila esker!!

Asteburua goxatzeko, hemen duzue Garazi Otxandorenak mikro-ipuin lehiaketako III. kategorian aurkeztutako ipuina.
Mila esker!!

BADITUGU DAGOENEKO BERASTEGIKO III. MIKRO-IPUIN LEHIAKETAKO SARIDUNAK!

Apirilaren 3an amaitu zen mikro-ipuinak aurkezteko epea eta sari banaketa apirilaren 26an egitea pentsatuta bagenuen ere, egoeraren bilakaeraren ondorioz momentuz behintzat ez dakigu noiz eta nola egingo dugun, baina egoerak ahalbidetzen duenean zerbait antolatzea da gure asmoa.

Lehiaketa ordea ez dugu alde batera utzi, eta lan handiak izan ditu aurten epaimahaiak sarituak aukeratzen. Guztira 42 parte hartzaile izan ditugu eta aipatu beharrekoa da orokorrean maila altua izan duela aurtengo lehiaketak, batez ere hirugarren kategorian. Txalogarria izan da! Joango gara pixkanaka ipuin horiek irakurgarri jartzen liburutegiko blogean eta sare sozialetan, eta ipuin sarituak aurtengo Aidanen alean argitaratuko dira.

Kaixo herritar,

Liburuaren Nazioarteko eguna gertu dugun honetan, eta bizitzen ari garen egoera berezi honen barruan, proposamen batekin gatoz Berastegiko udaletik.

Etxean liburu mordoa dugu, ziur baten bat altxor kuttun moduan zaindua barrua mugitu digulako, irrifarra atera edo abentura zirraragarriak bizitzen lagundu izanagatik, milaka liburu, milaka arrazoi!

Animatuko al zinateke bideo motz batean zure kuttunena aurkezten? Herritarrekin altxor hauek elkarbanatzea zoragarria litzake.

Nola? Hartu liburua eskuetan, erakutsi kamaran, izenburua aipatu, kontatzen duena aipatu, zati motz polit bat irakurri... Mila liburu, Mila modu!

Irakurtzea modu bikaina da bidai zoragarriak egiteko.

Helarazi zuen bideoak liburutegia@berastegi.eus edo 688681952 telefonora WhatsApp bidez ahalik eta azkarren apirilaren 23an beraietaz gozatzen hasi gaitezen!

Animatu!!

2020ko mikro-ipuin lehiaketako ipuinak aurkezteko epea apirilaren 3an amaitu zen, eta eskerrak eman nahi dizkizuegu zuen parte hartzeagatik!

Tamalez, COVID-19ak eragindako egoeraren ondorioz, igande honetarako aurreikusita genuen sari banaketa atzeratu beharrean gara.

Hala ere, Berastegiko III. mikro-ipuin lehiaketak aurrera darrai eta laster izango duzue saridunen berri erabili ohi ditugun ohiko baliabideetatik.

Mila esker zuen ulergarritasunagatik!!

Konfinamenduko garai honetan liburutegia itxita dugunez eLiburutegia Eusko Jaurlaritzak eskaintzen duen zerbitzua da eta bertan liburuak irakurtzeko eta filmak ikusteko aukera zabala duzue. Horretarako bazkide izatearekin nahikoa da, zuen bazkide zenbakiarekin eta pasahitzarekin sartuta.

Oraindik ez bazara bazkide orain duzu aukera, liburutegia@berastegi.eus helbide elektronikora idatzita edota 637846385 telefonora deituta. 

Sartzeko arazoak badituzu edo edozein zalantzatarako ere ez egon dudan eta idatzi edo deitu lasai, etxetik bada ere lanean ari gara eta!

Animatu itxialdi garai hau kulturaz gozatuz aprobetxatzera!

OHARRA: Liburutegiko mailegu guztien epea maiatzak 4 arte luzatu da.

Izena emateko:

-Liburutegiko harreran

-liburutegia@berastegi.eus posta elektronikora idatzita

-637846385 telefonora deituta

Eskerrik asko parte hartzeagatik!!

Badator aurten ere Berastegiko Mikro-ipuin lehiaketa hirugarren edizioarekin!

Apirilaren 3a bitarte izango duzue ipuinak aurkezteko epea eta sari banaketa apirilaren 26an izango da, 19:00etan.

Animatu!!

Kiribil Konpainiak, Pamiela argitaletxeak eta Galtzagorri Elkarteak Haur eta Gazte Literaturako Azoka antolatu dute Saran, apirilaren 3an eta 4an.

Apirilaren 3a Eskolen eguna izango da eta apirilaren 4a Familien eguna.

Hona hemen informazio gehiago.

Animatu!